General Santos City—- Gilaumang mahidangat sa dakbayan sa Gensan si Presidente Rodrigo Duterte alang sa pagahimuon nga mindanao wide launching sa ligtas-tigdas sunod adlaw, Mayo 9.
Sumala kang Dra. Jett Oco. labaw sa City Health Office nga kumpirmadong mahidangat si Dr. Francisco Duque, secretary sa Department Of Health kung asa siya mismo ang manguna sa pagahimuong ceremonial immunization.
Tumong matud pa sa maong programa mao ang madugangan ang ihap sa mga kabataang mabakunahan batok tigdas kung asa target nila mao ang mga 5 anyos paubos.
Dugang pamahayag ni Dra. Oco nga mitaas gyud ang kaso sa tigdas dili lang sda dakbayan kundili sa tibuok nasud gikan sa bulan sa disyembre milabay’ng tuig. Kini matud pa ang nahimong resulta sa dengvaxia scare kung asa nahadlok na ang mga ginikanan nga magpabaluha s ailahang mga anak.
Pagpaklaro niya nga lahi ang kaso sa dengvaxia sa pagbakuha palang sa tigdas busa iyahang gina-awhag ang katawhan nga suportahan ang kampanya batok tigdas.
