Davao City- Wala gikalipay sa Gabriela Party list ang gihimo ni Presidente Rodrigo Duterte nga pangunayan ang pag-anunsiyo sa plano sa pamilyang Marcos nga ila nang ibalik sa gobyerno ang toneladang gold bars.
Sumala ni Gabriela Partylist Representative Emmie De Jesus nga dili maayo nga mismo ang Pangulo ang nagbungat sa laraw sa mga Marcoses kay aron dili mugula nga tigpamababa sa pamilya sa diktador.
Kung buot lang daw hunahunaon wala na gikinahanglana pa nga ipaagi kang Digong ang tinguha sa mga marcoses sa pag-uli sa mga gold bars kay unang-una ginawkaw nila kini ug iya kini sa katawhan busa dapat lang mabalik kini sa gobyerno.
Daw gibakwian og trabaho ni Pangulong Duterte ang Presidential Commission on Good Governance sa pagbawi sa kabtangan nga nakuha sa Marcoses kapin tulo na ka dekada nakalabay.
Dakong insulto sa mga biktima sa balaod militar ang negosasyon tali gobyerno ug Marcos aron hingpit mabalik ang binilyon ka pesos nga gold bars sa kaban sa katawhan.
Gibarugan ni De Jesus nga dapat masang-atan og kaso sa pamilyang marcoses kay mao lamang kini ang bugtong paagi aron matilawan ang hustisya sa dugay’ng panahon nahikaw sa mga nahimong biktima sa balaod militar.
Gipahinumduman ni De Jesus si Pangulong Duterte nga dili ug dili gayod tabunan ang mga salaod ni i-ab swelto ug pasayloon ang pamilyang marcoses gikan sa ilang mga atraso ug kasal-anan aron dili masuko ang katawhan kaniya.
Kasamang Joel Viray
