General Santos City–Tingkagul karon sa kwerpo sa kapulisan sa Polomolok South Cotabato ang usa ka empleyado sa Land Transportation Office Polomolok Office. Kini human nasikop sa gilusad nga drug buy bust operation sa kapulisan sa Polomolok kagahapon sa gabie.
Giila ang dinakapan nga si Conrad Casabal, 34 anyos, record Officer sa LTO Polomolok. Matud pa kang Police Chief Inspector Aldrin Gonzales nga positibong napalitan ang suspek nga si Conrad Casaba og duha ka sachet sa gituohang shabu gamit ang marked money nga P500.00 sa nagpailang poseur buyer nila sa may Purok Jamila, Barangay Poblacion Polomolok.
Apan hugtanong gihimakak sa suspek nga siya nagbaligya og droga. Pamatuod niini andam matud pa kining mupailawom sa drug test aron ipamatuod nga wala kini gagamitan og droga kon shabu.
Dugang pa ni Police Chief Inspector Gonzales nga sa korte na lamang niini ipamatuod ang iyahang mga pamahayag sa Media nga wala kini nalambigit sa iligal nga droga. (Kasamang Jordan Britos)
