Maayong balita alang sa mga kawani sa gobyerno. Kini may kalabot na sa pagpasaka ni Presidente Rodgrigo Duterte sa expenses and allowances alang na sa official local ug foreign travels.
Kini human gipirmahan ni Presidente Duterte ang Executive Order Number 77 nga pinetsahan kaniadtong Marso 15, niining tuiga sa maong katuyuan.
Sumala pa sa maong Orden de Ehekutibo nga ang makapahimulos sa local ug foreign travels mao ang personahe sa National Government Agencies (NGAs), State Universities and Colleges, (SUCs), Government-Owned or Controlled Corporations (GOCCs), Government Financial Institutions (GFIs), Congress of the Philippines, Judiciary Constitutional Commissions, Office of the Ombudsman and Local Government Units (LGUs).
Dugang pa nga sa maong Daily Travel Expenses (DTE), ang kantidad maoy otorisado lamang alang sa local travels nga gilangkuban sa hotel accommodation o lodging ingon man ang gisitar nga buhis ug service charge; meals ug incidental expenses nga gilangkuban sa kantidad sa local o inland transportation ug rasonableng miscellaneous expenses sa lugar nga pagaadtuan.
Niini, ang maximum allowable DTE sa usa ka kawani sa gobyerno sa bisan unsang posisyon ug ranggo mao ang mosunod; alang sa Cluster 1 diin ang destinasyon padung ngadto sa Rehiyon 1, 2, 3, 5, 8, 9, 12, 13 ug ARMM ang matag kawani makakuha sa P1`,500; samtang sa Cluster II diin ang destinasyon padung ngadto sa Cordillera, Adiministrative Region, ug sa Rehiyon 6, 7, 10 ug 11 makakuha sa P1,800 ang matag kawani.
Ingon man, alang usab sa Cluter III, kung ang destinasyon padung sa National Capital Region, Region !V-A ug Region IV-B ang matag kawani makakuha sa P2,200.
Nasayran nga ilawum sa Section 72, Chapter 7, Book VI sa Executive Order Number 92 o ang Administrative Code of 1987 nagkanayon nga ang rate sa per diem ug uban pang allowances alang na sa official travel sa gobyerno ang ma-determinar sa Presidente ug mamahimo kining mausob sa matag karon ug unya depende sa rekomendasyon sa Travel Rates Committee (TRC). (PIC-mbmontederamos)
