Presidente Duterte, mobisita sa CdeO karong adlawa

37
web photos

Todo kayud ang mga security personnel sa Cagayan de Oro ug Camp  Alagar  sa ilang  security Operation  karong adlawa.

 

Kini tungod sa  pagbisita ni Presidente Rodrigo Duterte ning syudad sa Cagayan de Oro uban sa iyang pipila ka mga  Cabinet members.

 

Usa ka Security Briefing ang gihimo sa advance Party sa Presidential Security  Group kon PSG sa Camp Alagar kagahapon sa hapon.

 

Matud ni Camp Alagar Spokesman Supt. Surki Sereñas nga  tumong sa pagbisita ni Presidente Duterte  karong adlawa mao ang pagtambong sa distribution sa Certificate of Land  Ownership Award kon CLOA  sa  Department of Agrarian Reform kon DAR.

 

Kini nga Programa, ipahigayon sa DAR mga ala una unyang hapon Oktubre 31 sa Gym sa University of Science and Technology in Southern Philippines kon USTP.

 

Wala na ihatag ni Sereñas ang dugang detalyi sa pag-anhi ni Duterte karong  adlawa sabay sa iyang pag-ingon nga ang tahas sa kapolisan, igo lamang ang pag-back-up sa PSG sa ilang security effort alang sa Presidente.

 

Matud ni Sereñas nga si Duterte maoy guest of Honor and Speaker sa USTP ug  siya mismo ang mangunay sa   paghatag sa CLOA ngadto sa mga benepisaryo sa Agrarian Reform Programs sa gobyerno.

Facebook Comments