Ginpalabtikan ni Atty. Salvador Panelo ang pamunuan sang Integrated Bar of the Philippines ukon IBP nga wala gid gin-imbitar si Presidente Rodrigo Duterte sa Convention sang mga abogado sa pungsod nga ginahiwat subong sa siyudad sang Iloilo.
Suno kay Atty. Panelo nga wala gid gindumdum sang IBP ang Presidente sang Republika sang Pilipinas nga imbitaron sa isa ka daku nga okasyon.
Nahibaluan nga isa man ka abogado si Presidente Duterte.
Suno kay Panelo nga nagtambung siya indi bilang tiglawas sang Presidente kundi base man sa imbitasyon sang incoming Presidente sang IBP-National.
Gindugang pa ni Panelo nga posible gin -imbitar si Presidente Duterte bangud ang nagapungkop karon nga Presidente sang IBP Nation al ang isa ka anti-Duterte.
Nagahiwat sang Convention ang mga abogado sa Iloilo Convention Center kon sa diin nagsumpa ang mga bag-o nga opisyales sini sa pagpanguna ni Supreme Court Chief Justice Lucas Bersamin.
