Ginbuyagyag ni Presidente Rodrigo Duterte nga may bag-o nga drug Lord sa Western Visayas nga nagbulos sa napatay nga si Melvin Odicta kag iya ginpat-od nga mapatay man ini.
Ginhimo sang Presidente ang pahayag sa iya pagpamulong-pulong sa Campaign rally sang PDP-Laban sa siyudad sang Bacolod sang damlag lamang.
Ginpahayag ni Duterte nga madamo sa gihapon sang mga ugok sa Western Visayas nga nagabaligya sang illegal nga druga sa pihak sang kamatayon ni Odicta bangud may nagbulos sa puwesto sini.
Subong man, ginpahayag ni Duterte nga indi niya anay pag-isugid kon sin-o ang natungdan nga drug lord nga nagbulos kay Odicta apang iya ginpasiguro nga mapatay man ini.
Dugang pa ni Duterte nga may nabilin pa siya nga tatlo ka tuig kag siguruhon niya nga antis siya magpanaug sa puwesto, maubos ang mga durugista nga nagaguba sa puturo sang mga kabataan.
