General Santos City–Gipakalma karon ni Gensan City Consumer Welfare Incorporated President Baby Rodriguez ang katawhan sa Gensan human ang kabalaka sa nahimong pahayag sa NFA nga kulangon na ang ilang stock nga bugas ug kutob nalang bulan sa Abril.
Sumala ni Rodriguez nga unta dili lang tantong maalarma ang katawhan gumikan sa iyang kasayuran anaa pa may daghang stock ilabi na ang commercial rice nga mahimong paliton sa katawhan.
Matud ni Rodriguez nga mismong siya uban ang NFA nagamonitor man kanunay sa mga merkado aron sutaon ang kahimtang sa mga baligyang bugas gikan sa mga pribadong mga rice trader. Ang mas maayong himuon sa katawhan mao ang pagpaniguro nga insakto ang ginakambyo kanila sa ilang bayad.
Giangkon usab ni Baby Rodriguez nga dili man nila mapugngan ang gamahal nga presyo sa mga commercial rice gumikan matud pa bisan ang NFA dili makakontrola niini. Aminado sab kini nga mahal gyud ang mga commercial rice sama sa fancy rice tandi sa NFA rice. (Jordan Britos)
(Photo From Web)
