TACLOBAN CITY – Nagpapadayon an gindudumara nga hot pursuit operation han Bobon MPS ngan San Jose MPS han Northern Samar ha naka-eskapo nga preso han Dancalan Provincial Jail.
Ginkilala an naka-eskapo nga preso nga hi Arvino Ballesta, nga may duha nga pending nga kaso han robbery ngan pangawat nga gin file ha Office of the Prosecutor han Catarman Northern Samar.
Sumala han PNP, urhi nga naispatan an suspek ha Brgy. Geratag San Jose Northern Samar nga nakasul-ot pa hin hooded nga jacket.
Dayon naman nga nagdumara hin pursuit operation an San Jose mps ngan Bobon MPS ha nasabi nga lugar kun diin nakit-an an suspek. Pero dida han nakit-an ngan dumaop an usa nga intel han PNCO ha suspek in nanlaban an suspek ngan didto na gin-bunlot han intel an iya service firearm pero waray maigo an suspek ngan nakadalagan pa ini ha kabanwaan nga parte han lugar.
Padayon an pursuit operation han mga otoridad ha kinamumutngan han naka eskapo nga preso.
