Davao City – Gituhoang naghambin og balatian ang namatay nga piniriso sa Sta.Ana Pnp dihang gidala kini sa Southern Philippines Medical Center alas-10:59 kagabii.
Sakit sa dughan ang gitumbok nga hinungdan sa kamatayon sa detainee sa presinto uno nga si Mateo Dela Cerna kinsa gideklara nga DOA ni Dr. Vladimir Raguindin nga mihiling kaniya.
Gisuwayan pa og tabang sa mga personahe sa central 911 medic team si Dela Cerna apan walay swerte kabsan gihapon sa kinabuhi ug ang patay’ng lawas anaa na karon sa morgue sa SPMC.
Sa imbestigasyon sa kapulisan, mireklamo matud pa si Dela Cerna sa jail guard sa presinto nga naghuot ang iyang gininhawaan ug nagkinahanglan kini og oxygen.
RadyoMaN Don Pulayao
Facebook Comments
