Gisaysay ni Kapitan Luie Naiz, sa Brgy. Mailag, Valencia City ang panghitabo human siya gipusil kagahapong adlawa sa tulo ka mga suspetsado.
Sa interview sa RMN Malaybalay ngadto kang Kapitan Naiz, gisaysay niini nga mga alas 12:10 kapin kon kulang sa udto kagahapon, gikan siya sa barangay hall sa Mailag ug paingon unta siya sa Barangay Colonia sakop sa mao nga dakbayan, gisundan siya sa tulo ka mga suspek nga sakay sa bajaj nga motorsiklo.
Pag-abot matud pa niya sa mingaw nga dapit kalit ug overtake ang mga suspek ug gipusil siya apan wala kabuto ang armas niini.
Nakahimo matud pa siya ug break sa iyang sakyanan ug nidagan siya palayo hinungdan nga pagbalik sa mga suspek wala na siya na-igo sa pagpusil ngadto kaniya.
Dugang pa ni Kapitan Naiz nga nakapaboto pa ang mga suspek apan layo na siya pagbalik niini.
Matud niini nga na klaro niya ang panagway sa mga estrangherong suspek.
Sa wala pa matud pa ang panghitabo, iya nang na-obserbahan ang presensiya sa maong mga suspek duol sa barangay hall.
Nakuha matud pa sa dapit nahitabuan ang usa ka basiyo ug usa kabuhi nga bala.
