PRESYO SA BALIGYA NA BUYAK SA SURIGAO CITY MITAAS NAN 50 PORSIYENTO
Sa pagsaulog nan Adlaw sa Kalag ug Adlaw sa Patay sa Nobyembre 1 ug 2, tag-angkon nan mga mamaligyaay nan buyak na notaas an presyo sa ila baligya.
Tag-angkon ni Ilda Gorgonia, 15 katuig na namaligya nan buyak, nomahal an presyo sa ila tagkumprahan nan buyak sa Cebu ug Davao ugsa na pag-abot sa Surigao may deperensiya na an presyo, bana-bana 50 porsiyento an pagtaas. An mga klase sa buyak naglangkob sa Malaysian Mums, Gladioli, Golden Lily sanan iban pa. Gikan matud pa sa P50 hangtud P500 an ila baligya sa buyak depende sa klase.
Dugang pa niini, nihit isab an supplay sa buyak labi na sa sige na pag-uyan ugsa na nagtuo sija na hangtud ra kuman adlawa an ila mga display sa buyak, posible silom adlawa mahutdan na.
