Presyo sa bulak nisaka apan mamalitay nidagsa

14

Pagadian City – Susama sa nanglabay nga mga tuig sa kasaulogan sa Valentine’s Day, dunay taas nga pagsaka sa presyo sa bulak, ilabina ang rosas, sa bulakan section ug sa bisan asa nga mga flower shop sa syudad sa Pagadian.

Ang kanhi P20 nga rosas misaka kini sa P50 ngadto sa P100 ug gani duna pa’y P200.
Hinoon anaay flower bouquet nga tag-P 500 samtang anaa sa P1,500 ang duna’y tsokolate ug teddy bear.


Apan bisan pa man usab sa kataas sa presyo, daghan gihapon ang mga order ug mga tawag aron sa pagpa-deliver ug pagsorpresa ngadto na sa ilang mga hinigugma ug minahal sa kinabuhi.

Giingong kini nga mga bulak gikuha pa gikan sa silingan nga lugar, diin taas ang persyo daan hinungdan nga mas dako na ang presyo pag-abot sa siyudad.

Sumala usab sa mga mamalitay nga sinserong namili ogg bulak alang sa ilang mga minahal sa kinabuhi nga dili niini igsapayan ang presyo sa bulak gumikan na usab kay ang importante nga naghatag kini og panahon ug “effort” aron sa pagpadayag sa iyang tinud-anay nga gugma.

Makitang daghan usab nga mga pakulo sa mga nagkadaiyang patigayon sama sa mga Valentine’s promo sama sa eat all you can, aron na usab nga mahatagan sa kahigayonan ang mga nagminahalay sa pagselebrar pinaagi sa mga dinner date ug uban pa.

Facebook Comments