General santos City–Gikumperma karon sa labaw sa General Santos City Fish Port nga mimahal ang presyo sa isda sa Gensan og sa mga nag unang mga merkado publiko.
Matud pa kang Paris Ayon, quality control sa General Santos Fish Port Complex nga misaka ang presyo sa mga lab-as nga isda sama na lamang sa tuna.
Dugang pa sa maong opisyal nga usa sa mga hinungdan sa pagtaas sa presyo sa mga isda ang tungod sa sunod sunod nga bagyong miigo sa Mindanao kung asa daghan matud pa sa mga mananagat nga gikan sa Gensan og mga kasigpit nga mga probinsiya ang wala makapangisda. Apan dugang pa sa maong opisyal nga posibling maapiktuhan usab ang supply sa isda sa Gensan karong mga bulana human daghan sa mga mananagat ang muoli og moselebrar sa kapyestahan ni Sr. Sto Niño sa Barangay Bula.
Naglaum lamang ang maong opisyal nga mubalik lamang sa normal ang presyo sa isda kung munindot na usab ang panahon. (Emir Bariquit)
(Photo From Web)
