Presyo sa pang-noche buena wa pa motaas

Davao City – Nagpabiling way paglihok ang presyo sa mga produkto sa pang-noche buena sa pipila ka grocery store ug supermarket sa dakbayan sa Davao, luyo sa walay puas nga pagsaka sa presyo sa petrolyo sa nasod karon.

Sumala sa usa ka salesboy sa Cabantian, mapalit ra gihapon sa mas ubos nga presyo ang mga nag-unang produkto sa noche buena og ang presyo niini sa miaging tuig ug karon walay pag-usab.

Pipila sa mga produkto sama sa spaghetti 500 grams mapalit sa P62-P86 depende sa brand ug sa gramo, maraconi P68.25 – P78.50 depende sa brand ug gramo, spaghetti sauce P96.25 depende gihapon sa gramo ug brand, samtang sa Cheese bar P54.

Aron makadaginot, adunay affordable nga presyo sa noche buena package, kay mapalit lang kini sa P135 – P145 nga aduna nay spaghetti, macaroni ug sauce.

Ang usa ka ginang nga si Ann Salomon, matag semana mopalit sa noche buena package kay mao kini ang paboritong pang-snack sa iyang pamilya sa matag adlaw’ng Domingo.

Hinoon dili pa masayran kung aduna bay pagsaka sa presyo sa mga produkto sa pang noche buena sa sunod bulan, kay mag-agad kini sa dagan sa presyo sa merkado.

RadyoMaN Joel Viray