Wala sang may nakita nga pagmahal sa presyo sang noche buena products ang Department of Trade and Industry ukon DTI samtang nagahilapit ang paskuwa.
Ginpahayag ni DTI Regional Director Diosdado Cadena nga sa ila padayon nga price monitoring sa mga presyo sang mga balaklon ilabi na sang mga noche buena products, nagapabilin nga santu sa suggested retail price ang presyo sang mga ini.
Suno kay Cadena nga resulta ini sa pagpakigsapol sang DTI sa mga manufacturers sang noche buena products nga indi magpataas sang ila mga presyo.
Ginpahayag ni Cadena nga nagpasalig ang mga manufacturers kag supplers nga indi magpasaka sang presyo sang noche buena products bisan tubtub sa katapusan sang bulan sang disyembre kag magapabilin ang presyo santu sa srp sang nasambit nga mga produkto.
Samtang, ginapanan-aw ni Director Cadena nga lauman ang pagtaas sang presyo sang nagapanguna nga balaklon sa masunod nga tuig 2018.
Ini bilang resulta sa bag-o lang ginpirmahan ni Pangulong Rodrigo Duterte nga Tax Reform Acceleration and Inclusion ukon TRAIN nga nga magasukot sang mas mataas nga excise tax sa pila ka mga produkto kag serbisyo lakip na ang petrolyo.
