Mataas sa gintalana nga suggested retail price ang ginabaligya nga pipila ka mga notche buena products sang mga major trading center dire sa syudad sang Koronadal base sa ila latest nga monitoring, suno kay Department of Trade and Industry ukon DTI OIC Provincial Director Rictoniel Reginio.
Suno sa iya nagadalagan sa masobra piso tubtob P11.00 ang ginsobra sa SRP sang pipila ka mga notchebuena products kapareho na lamang sa pasta.
May-angot sini, suno kay Reginio padal-an sang iya nga talatapan sang letter of inquiry ang nasambit nga mga establishemento agud nga i-isplikar kag maghatag sang pamatuod sa rason sa paglapaw sa SRP sang ginabaligya nga notche buena products.
Apang kon mapaslawan ang mga ini suno pa nga maghatag sang pamatuod magaisyu ang ahensya sang notice of violation sa nasambit nga mga establishemento.
Samtang, ginkumpirmar ni DTI South Cotabato Provincial Director Reginio nga may bastante nga supply sang notche buena products sa probinsya subong nga kapaskwahan.
