Padayon ang pagtimbuok sang presyo sang produktong petrolyo sa pungsod matapos nagtaas naman ini umpisa alas 12:01 kaina sang kaagahon.
Nagtaas ang presyo sang gasolina sang 95 sentimos kada litro sang gasolina kag kerosene samtang 55 sentimos kada litro ang gintaas sa presyo sang diesel.
Gin-rason sang Department of Energy ang pagtaas sang presyo sang langis sa international market bangud sa pagtugnaw sang mga pungsod sa nakatundan kag pagtaas sang demand sang supply sang petrolyo.
Ini na ang ika-apat nga sunod-sunod nga pagtaas sang presyo sang petrolyo humalin pa sang Oktubre 16.
Sang nakaligad nga semana, nagpataas man ang mga kumpaniya sang langis sa 90 sentimos sa gasolina, 55 sentimos sa diesel kag 75 sentimos sa kerosene.
