JUST IN! Price ceiling sa isda ug iban na marine products suyod sa Merkado Publiko sa Surigao City posible na wayaon na lamang. Ini an kusganong tagpadayag ni Vice Mayor Alfonso Casurra human na miatubang kuman hapon didto sa Sangguniang Panlungsod atol sa regular session an mga fish vendors sa pagpanguna nan Presidente na si Adilo Lopez ug mga kaibanan . Tagtudlo nan Bise Mayor, an pagwaya sa price ceiling para na an mopatigbabaw an market forces na. Hinoon may laing sugyot si City Councilor Christian Noel Catre na kon wayaon an price ceiling para sa Class A ug B ra. An Class C na mga isda angay ipabilin an price ceiling para an mga naglisod pareho sa ila mga Job Order na empleyado an makapalit gihapon. Silom adlawa sa alas 10:00 sa buntag, tagtakda ipatawag sa isa ka tigom kaiban an mga Fish Vendors para himoon na penal an sunod na mga lakang. > > > > > >
