Davao City – Hugot nga gimonitor sa mga sakop sa Department of Trade and Industry kun DTI sa probinsya sa Compostela Valley ang presyo sa mga palaliton sa lungsod sa Nabunturan ug Monkayo tungod sa epekto sa bagyong Vinta hinungdan sa pagkadaot sa mga pananom sa mga mag uuma lakip ang imprastraktura.
Sumala ni Atty. Segfreid Balleque, director sa DTI Comval, padayon ang ilang price monitoring sa mga pamatigayon aron dli maabuso sa mga negosyante ang katungod sa mga consumers.
Ang mga produkto nga nalakip sa listahan sa DTI nga gidili ang pagpataas gikan sa suggested retail price mao ang mga delata, gatas, kape, laundry soap, instant noodles ug mineral water.
Kahinumduman nga niadtong December 27, 2017 gideklara sa Sangguniang Bayan sa lungsod sa Monkayo ang State of Calamity pinaagi sa resolution # 227 ug ang lungsod sa Nabunturan niadtong December 29, 2017 pinaagi sa resolution # 522.
Naglaom ang DTI nga sundon sa mga negosyante ang maong kamandoan.
RadyoMaN Juls Catisay
