Pride sang Iloilo kag talent sang RMN Bacolod, kampyeon sa WCOPA 2019

235

Bugal sang Iloilo kag isa sa mga talent sang DYHB sa RMN Kasadyahan nangin champion sa bag-o lang ginpatigayon nga nga 2019 World Championships of Performing Arts (WCOPA) sa Long Beach, California, USA.

Si John Bryan Galan Carnaje, isa ka Ilonggo singer ang naka-kuha sang tatlo ka medalya kag plaque of championship batuk sa iban pa nga mga talented man nga singers halin sa 65 ka mga pungsod sa bilog nga kalibutan.


Nakuha ni Carnaje ang gold medal sa Country and Western Category, silver medal sa Latin Category, bronze medal sa Original Works Category kag ang 2019 Champion of the World honor bilang Division Winner.

Nahibaluan nga sa iya lamharon nga edad, isa na ka composer si Carnaje sang iya mga kanta, isa diri ang gin-launch sadto sa RMN Pop Fiesta Musika sang 2006.

Madumduman nga si Bryan ang isa sa mga talent sang RMN Kasadyahan sang DYHB Bacolod, pila diri ang ginhiwat nga RMN Kasadyahan sa Cadiz City kag banwa sang Isabela. /DYHB NEWSROOM

Facebook Comments

From Advertisers