Davao City – Nangandam na ang simbahang katoliko sa subling pagpahigayon og misa sa nagkadaiyang simbahan sa higayong mopailawom na sa Modified General Community Quarantine (MGCQ) ang syudad sa Davao human gilugwayan ang GCQ hangtod Hunyo 15 ning tuiga.
Sumala ni Msgr. Paul Cuizon sa St. Francis de Assisi Parish, ipatuman nila ang mga guidelines gikan sa gobyerno sulod sa mga simbahan aron masigurong luwas ug dili mokuyanap ang virus samtang nagpahigayon sa santos nga misa ug uban pang kalihukan sama sa social distancing, pagsul-ob sa face mask, paggamit sa mga hand sanitizers ug uban pang mga health protocols.
Matud ni Msgr. Cuizon, wala nay matigayong pag gunit sa mga kamot samtang nag-awit sa ‘Amahan Namo’, pagmubo sa oras sa mga misa, ug uban pang mga kalihukan nga dili na himoon sa ‘new normal’ nga pagsimba.
RadyoMaN Bernard Pantallon
