Nadakpan na sa mga operatiba sa National Bureau of Investigation NBI-7 ang gitumbok nga prime suspect sa pagpatay sa 16-anyos nga si Christine Lee Silawan nga taga Soong 1 Mactan Lapulapu City.
Kaganihang buntag, gipahibaw sa NBI-7 ang pagakdakop sa 17 anyos nga menor de edad.
Ang nawong sa suspek nakita sa cctv footage sa simbahan ug sa mga silingang establisemento sa Pajac Lapulapu City diin katapusang nakit-an si Silawan niadtong Marso 10 2019, sa wala pa kini mapalgi nga patay na sa Mahayahay Pajac Lapulapu City pagak Marso 11.
Matud sa regional director sa NBI-7 Atty . Tomas Enrile, nag dako og natabang ang pamahayag sa usa ka testigo sa kremin.
Nagkanayon si Enrile nga giangkon sa suspek nga duna pa siyay laing duha ka kauban sa paghimo sa kremin ,nga gipangita na usab karon sa mga otoridad.
Sa pikas bahin, bisan og naa pa sa ilang kasub-anan ang pamilya sa biktima, gihangop niini ang pagkadakop sa suspetsado.
Sa pagkakaron ang hepe sa Police Regional Office-7 Gen.Debold Sinas nagkanayon nga makig-alayon sila sa NBI-7 pagkompara sa ilang imbestigasyon ug nahipos nga impormasyon sa kremin aron pagpalig-on sa ilang kaso batuk sa suspek.
Alang kang Sinas, dili nila igsapayan kong kinsa nga ahensya sa gobyerno ang naka dakop sa 17 anyos nga suspek sanglit gusto nila nga mahatagan og kasulbaran ang brutal nga pagpatay kang Silawan.
Kahinumduman nga niabot og duha ka milyon ka pesos ang reward sa makahatag og impormasyon sa nahimutangan sa suspetsado.
