Davao City – Malampusong nadakpan sa hiniuasang pwersa sa NBI Tagum District Office XI, Naval Intelligence Security Group-Eastern Mindanao ug Regional Intelligence XI ang gikonsiderang principal suspek sa pagpatay kang Liloy, Zamboanga del Norte Regional Trial Court Judge Reymar Lacaya.
Sa interbyu sa RMN Davao kang NBI TAGDO-XI Asst. Regional Director Exzel Hernandez nga alas-3:30 sa hapon adlaw’ng Lunes sa gitaguan niining panimalay sa Matiao, Mati Davao Oriental naaresto sa mga awtoridad ang suspek nga si Juliver Cabating.
Matud ni Hernandez nga gikasa nila ang operasyon human nga ilang nadawat ang warrant of arrest sa kasong Murder batok sa naarestong suspek ug sa laing duha pa ka mga personalidad nga gipagula sa RTC Branch 28 Liloy Zamboanga del Norte Judge Anthony Isaw.
Gihulat karon sa NBI TAGDO ang sunod nga mando sa korte ug kanus-a kini i-turn over ngadto sa Zamboanga del Norte.
RadyoMaN Aimee Guinita
