Pagadian City – Gipa-ilalom na karon sa post mortem examination ang patay nga lawas sa usa ka lalaki nga napalgang patay kagahapon sa buntag sa gamay nga agi-anan sa Purok Alaska, Gatas District, Pagadian City.
Sumala ni Nancy Delocura, security guard sa Pablo Litigio Elementary School nga ang patay nga lalaking nakit-an mao si Roque Bonifacio, gibana-bana nga nagpangedaron sa 55 ngadto sa 65 anyos, lumulupyo sa Cotabato City, apan temporary nga gipapuyo sa ilang balay dihang nag-antos sa balatian.
Sa wala pa napalgang patay ang biktima misugid kini nga duna siyay igsoong lalaki nga nagpuyo sa lungsod Margosatubig niining probinsya.
Sigon usab sa mga residente Brgy. Gatas ning dakbayan ilang namatikdan nga ang maong biktima naglakaw-lakaw sa nasangpit nga dapit nga naglisod paginhawa gumikan sa balatian nga asthma.
Ang patay nga lawas sa anaa na karon gipahiluna sa Gamalinda Funeral Homes sa Brgy. Tiguma, ning syudad.
