Primer dia del MECQ, primer dia tamen del sufrimiento del maga motorista na maga checkpoint.
Egual como del otro anio durante el ECQ hasta GCQ, sufrimiento del maga motorista na maga checkpoint especialmente aquelios ta entra na pueblo.
Largo ya tambien el linia del maga vejiculo y ta alcansa na 20 minuto para serca un hora ta estanca maga vejiculo na maga checkpoint.
Pedido del maga motorista si pwede numas hace doble el checkpoint como na Putik donde todo el maga vejiculo ta pasa na checkpoint ya caba ya canila checquia na checkpoint del Divisoria, Catumbal, Guisao y na Sangali.
El presencia del manada checkpoint na calsada ta causa lang perwicio na gasolina y crudo del maga vejiculo.
Facebook Comments
