Principal sa Abellana suspendido ug 90 ka adlaw

773

Gisuspenso ug 90 ka adlaw ang principal sa Abellana National School samtang magpadayon ang imbistigsyon sa ubay-ubay nga mga reklamo batok niya.

Ang Department of Education-Central Visayas Director nga si Dr. Juliet Jeruta maoy nimando nga pahamtangan ug preventive suspension ang principal nga si Emelita Lanaria .

Si Lanaria gireklamo ug imoralidad kay giingong nakigrelasyon sa usa ka maestro nga taga laing eskuwelahan nga minyo ; grave misconduct conduct prejudicial to the best interest of the service, ug oppression.

Ang nireklamo batok niya ang ang kanhi utility worker nga si Nancy Algabre nga namasangil nga gihimo siyang labandera ni Mam bisan ug wa na ni labot sa iyang trabaho , ug ang kanhi school guard nga si Leomar Amagos nga niangkon nga gihimo usab siyang “cook.”

Si Lanaria gipasanginlan usab nga nihimo nang pinuy-anan sa iyang opisina.
Unang giduso nila ni Algabre ug Amagos ang reklamo ngadto sa Ombudsman Visayas apan girefer kini ngadto sa DEPED-7.

Gisuwayan pagkuha sa iyang habig si Lanaria apan wa kini motubag sa mga tawag sa telepono apan sa giduso niini nga affidavit gipanghimakak sa principal ang mga pasangil batok kaniya .

Facebook Comments