NPA nagsorry human naalan ang usa ka Principal sa Tandag
Nangayo’g pasaylo ang rebelding New Peoples’ Army (NPA) human nila giangkon nga nasipyat ang ilang kaubanan sa pag-snipe dihang usa diay ka School Principal sa Hitaob Elementary School sa Purok Hitaob, Brgy. Awasian, Tandag city, Surigao del Sur niadtong nakalabyang adlaw.
Sigun ni Ka Sandara, spokesman sa North Eastern Mindnao Regional Committee sa NPA nga naalaan gyud ang Principal nga si Eli Apacible nga sakop sa 36th IB Phil. Army sanglit mitipon kini sa tapok sa kasundaluhan ug nagsuot usab kini’g kalo na pangsundalo diin niadtong higayona nagpahigayon sila ug Feeding activity sa mga estudyante sa nasangpit nga tulunghaan.
Tungod niini nag-awhag si Ka Sandara sa mga sibilyan nga dili mouban sa tapok sa mga sundalo tungod kay lehetimong target gyud sa mga rebeldi ang tanang unipormadong armadong tropa sa goberno.
Si Ka Sandara, spokesman sa North Eastern Mindnao Regional Committee sa NPA sa interview sa RMN DXBC Butuan.
Madumduman nga una nang gikondina sa Surigao del Sur Police Provincial Office (PPO) ang binuhatan sa rebelding NPA nga nambiktima ug usa ka sibilyan.
Hinoon sa karon anaa ra sa luwas ang kahimtang sa biktimang si Apacible human kini maigu sa dalunggan ug milapos sa aping sa maong pag-snipe kaniya sa rebelding NPA.
Apan gioaklaro sa ni Colonel Goforth nga wala maghatod ug module ang principal apan nag feeding kini uban ang militar.
