Report ni: Tita Jen Palomo Debaja
Nagahilibion sa korte ang isa ka Pinay samtang ginabasa ang pamatbat nga mapriso ini sang 2 ka bulan sa pag gamit sang expired nga working contract agud mag aplay sang loan sa isa ka lending company sa Shatin sang nagligad nga Nobyembre.
Daku ang pag hinulsol ni Marites Olarte ,42 anyos sang nag plead guilty sa kaso nga “obtaining pecuniary advantage by deception”.
Suno sa balita, Nobyembre 6 sang nagligad nga tuig sang nagkadto si Olarte sa branch sang Prime Credit sa Lucky Plaza sa Shatin kg nakakuha sang loan nga naglab ut sa HK$40,100 matapos gintapalan ang iya existing loan.Apisar gin terminate na ini sang Nobyembre 4 gingamit pa niya gihapon ang invalid na nga dokumento likum sa ihibalo sang lending staff.
Base sa iya bag-o nga loan contract pagabayran niya sa sulod sang 17 ka bulan nga installment ang ginkuha nga utang sa tag $3,121 kada bulan.
First payment lang sang loan ang nabayran sini. Tungod nauntat na ang iya bayad, nag patigayon sang imbistigasyon ang Prime Credit kag nahibaluan nga naterminate na ini kag nagpauli sa Pilipinas agud maghulat sang bag o nga visa. Samtang nag lab ut na sa HK $49,936 ang iya nga balayran .
Gin aresto si Olarte sa Hong Kong Int’l. Airport sang Peb 11, 2018 sa iya pagbalik halin sa Pilipinas agud mag umpisa kun tani sang ubra pag ka aga sa bag o nga employer sini.
Sa pahayag ni Olarte paagi sa iya defense lawyer, gin entrust sini ang kwarta nga enugbayad para sa 2 ka bulan apang 1 lang kabulan ang ginbayaran sang abyan sini. Dugang ni Olarte,napilitan siya mag loan agud ibayad sa agency nga nagprocess sang iya bag o nga employment contract.
Nagpangayu man sang kunsiderasyon ang abogado ni Olarte tungod suno sa iya single mother ini kg kinahanglan gid niya mag ubra para sa iya kabataan .
