General Santos City—Patay ang usa ka priso human kining naghikog sulod sa silda sa Maasim Municipal Police Station niadtong nakalabayng adlaw.
Ang maong priso giilang si Usman Adam, 55 anyos nga taga Barangay Lumatil, Maasim, Sarangani Province.
Alas 5:00 ang takna sa kabuntagon niadtong adwang Martes, June 26, 2018 dihang nakaplagan nalang ang biktima nga nagbitay na sulod sa iyang silda gamit ang habol.
Gidala pa sa ospital ang nasangpit apan, gideklara kining dead on arrival. Duda ang Maasim PNP nga depresyon ang hinungdan sa paghikog ni Adam. Nasayran nga nag-atubang ang nasangpit ug kasong lugos.
Facebook Comments
