Nanawagan karun si Fr. Bong Alaan sa Chaplain Service sa BJMP ngadto na sa kabanay sa mga priso nga mugahin ug adlaw pagduaw sa mga prisohan. Kini arun magaan gaanan ang pagbati sa mga inmates ug mawala ang kamingaw. Ang maong panawagan giluwatan ni Fr. Alaan human nga adunay priso napusilan kay misulay ug layas. Kamingaw sa pamilya ang rasun ngano gusto siya mupuga sa Butuan City Jail. Sa EXCLUSIVE UG LIVE Interview sa Jail warden Sr Inspector Marlon Castelo naila ang piniriso nga si Adonis Laput Naliza, taga barangay Tungao Butuan City ug adunay kaso nga homicide. Dasun pa ni Warden Castelo Samad sa paa ug bukton ang naangkon sa biktima ug anaa karun sa tambalanan. Nahitabo ang insidente karung hapon, human mikatkat sa lubi ang priso ug misulay ug ambak sa gawas sa compound. Wala matud pa naminaw ang priso bisan pa nga gibadlong kini sa jail guard. Dali mi responde ang kapulisan human milanog ang buto sulod sa compound. Wala pa nakapagawas sa official report si Sr Insp. Marlon Castelo sa hitabo kay padayun pa ang imbestigasyun. Sent from my Samsung Galaxy smartphone.
