Polomolok, South Cotabato–Aminado si Police Captain Rommel Hitalia, Deputy Station Commander sa Polomolok PNP nga naproblema sila karon gumikan kay napuno na ug piniriso ang selda sa Polomolok Municipal Police Station.
Saysay pa ni Hitalia nga usa sa nahimong problema niini ang dugay matud pa sa pagpagawas sa korte ug Commitment Order sa mga piniriso rason nga nag punsisok na ang mga dinakpan sa prisohan.
Gipaklaro usab sa opisyal nga sagad sa ilang mga dinakpan ang nakahimo ug kalapasan sa General Quarantine, Illegal Gambling ug ang pinakadaghan mao ang kaso sa illegal nga droga.
Nanawagan na lamang si Police Captain Hitalia sa katawhan sa munisipyo sa Polomolok nga likayan na ang paglambigit sa unsa mang mga illegal nga gimbuhaton ilabi na ang droga aron dili madakpan ug mapriso gumikan kay ang kapulisan dili mo-undang sa paggukod sa mga tawong dili musunod sa balaod sa gobyerno. (RV)
