Klaro sa opisyal nga mensahe nga gipagawas sa mga organizers sa maong tinuig nga party event matag Sinulog nga gusto nilang mosanong sa desisyon sa Cebu City Local Government.
Pasado alas 4 karong adlawa, Enero 11, nagpagawas ang organizers sa maong dance party event nga di madayon ang maong activity pipila ka-adlaw human nga wa pirmahe ni Cebu City Mayor Osmeña ang ilang permit aron makapahigayon unta sa SRP. Naay mga storya nga migawas nga magpadayon gihapon unta ang event sa laing venue apan sa kataposan wala gyud diay madayon.
Kahinumdoman nga niadtong Enero 2017 gihunong ang maong event didto sa The Greenery sa Mabolo, Cebu City sa dihang naay nahitabong kagubot o stampede tungod sa mga registered participants nga buot mosulod bisan paman og sobra na kapuno ang maong lugar.
Unsa may inyong reaksyon ani nga cancellation mga idol? Labi na nga libre raba unta ang maong event nga nakaschedule karong Enero 20 sa alas 4 sa hapon hangtod na sa Enero 21 alas 4 sa kadlawon.
Nalipay ba ka o naguol sa ilang gibuhat nga lakang? Nga pwede man unta to nga nangita ang organizers og alternative nga venue? O mas maayo gyud nga gikanselar nila? Fans, mag-ingay!
