Davao City – Patay ang usa ka pasahero sa pribadong sakyanan human nabangaan sa armored car alas 12:00 sa udto sa Ramon Magsaysay Ave., Corner Guerrero St, syudad sa Davao.
Sa report sa Sta.Ana Police Station, ang namatay mao si Melanie Ligan, samtang angol ang sakay sa armored car nga sila Jorric Dela Vega ug Ronie Sumaliray, parihong hingkod ang edad.
Ang driver sa pribadong sakyanan (adventure) nga si Edgardo Gan padayong gitambalan sa Southern Philippines Medical Center (SPMC).
Sa imbestigasyon nga gilusad ni P/SSgt.Ranel Aredidon Sta.Ana Police Station Traffic Investigator, naglawig ang adventure sa may dalang Guerrero padulong sa Juan luna st., nga dunay kargang pagkaon sa dihang pag-abot sa nasangpit nga lugar nabanggaan kini sa armored car ug tungod sa kakusog sa impact natumba ang duha ka sakyanan ug napagan pa ang single motorcycle.
Si Barbarona, detinado na sa Sta. Ana PNP samtang ang pamilya sa namatay wala pa nipatim-aw sa kapolisan aron mopasaka’g reklamo.
RadyoMaN Don Pulayao
