Sumala ni Dr. Michelle Schlosser, tigpamaba sa Davao City COVID-19 Task Force (sa interbyu sa city-owned radio), luyo sa direktiba sa national government sa paghimong optional sa face mask sa indoor settings, dinhi sa Davao City, gihatagan gihapon og katungod ang private establishments nga magpatuman sa ilang kaugalingong health protocols subay sa Executive Order (EO) No. 11.
“Ilaha man gud na’ng premise. It’s a private premise. Therefore, kung ikaw musulod sa isa ka private premise, kung unsa ang rules and regulations sa tag-iya sa kadtong private institution, you have to follow,” tataw ni Schlosser.
Gipasabot sa health official, bisan og optional na ang face mask, mas dako gihapon og tabang ang pagsuot niini ug ang pagkaresponsable sa kaugalingon. Labaw sa tanan, importante gihapon nga makapabakuna batok COVID-19 alang sa kaugalingong proteksyon.
RadyoMaN Kirby Manzon
