Davao City – Padayon karon nga nagpahigayon og imbestigasyon ang Vices Regulation Unit (VRU) sa Davao City alang sa mga gilunsad nga private party sa dakbayan sa Davao nga gihimong negosyo kun private bar.
Sa pakighinabi sa DXDC RMN Davao kang Jay Francia, VRU Head, iyang gibutyag nga ginahikay na nila karon ang balaodnon aron madugangan ang aksyon batok sa mga private party nga gihimo sa mga subdivision ingon man diha sa mga kabalayan nga nagapabayad.
Matud niya, base sa ilang namonitor, adunay nagpahigayon og private party ug ang imbitasyon giagi sa social media, diin ang rason matud pa mao ang birthday party, apan sa pagsubay, walay nagsaulog ug kini usa lamang ka front.
Giklaro ni Francia nga kini nga aktibidad delikado ug supak sa balaod, ilabi na nga walay business permit, walay pahibalo sa Security Cluster, nga posibleng adunay pagsupak sa anti-smoking ordinance ug posibleng makasulod ang mga menor de edad.
RadyoMaN Bien Abanos
Facebook Comments
