General Santos City–Gikabutyag ni Police Lt. Col. Aldrin Gonzales ang tigpamaba sa Police Regional Office 12 nga andam na ang kapolisan sa rehiyon aron sa pagbantay sa seguridad sa matag lugar sa umaabot nga semana santa.
Sumala pa ni Gonzales Nga kada tuig nila kini ginahimo nga dunay ipahigayon nga security plan aron dunay sistema ang pagdeploy sa kapolisan og gipaabot na lamang nila kung unsa nga mga aktibidadis ang ipahigayon aron mabutangan og mga pulis nga mobantay sa lugar.
Dugang saysay usab ni Police Leutenant Col. Aldrin Gonzales nga sagad dunay ginahimo nga mga aktibidadis atol sa semana santa anaa sa simbahan og mao kini ang ilahang hatagan og dakung pagtagad sa pagbantay aron lamang masiguro ang seguridad sa katawhan nga moadto sa simbahan.
Pagbutyag usab ni Gonzales nga dunay ipangbutang nga Police Assistant Desk sa mga terminal, sa highways ug uban pa aron maoy mobantay sa lugar og aron duna poy kasumbungan ang mga tawo kun ugaling man duna silay makita nga dili maayong panghitabo atol sa semana santa. (Reynald Timario)
