*General Santos City—— Giangkon ni Police Senior Superintendent Leonardo Suan, ang Deputy Regional Director for Operations sa Police Regional Office 12 nga usa sa ilahang mga problema sa karon mao ang mga ebidensya batok sa mga personalidad nga anaa sa arrest order nga gipagawas sa batok sa mga gituuhang konektado sa teroristang grupo.*
*Sumala niya nga aron magmalampuson ang pagpasang-at ug kasong rebellion ngadto sa mga dinakpan, kinahanglan gyud nga adunay igong ebidensya.*
*Dugang pa niya nga gumikan sa kulang ang ebidensya batok kang TESDA South Cotabato Provincial Director Engr. Talib Bayabao rason nga gibasura ni Koronadal City Prosecutor Arnold Cruz ang kasong gipasang-at kaniya human kining boluntaryong misurender sa kapulisan sa probinsya sa South Cotabato.*
*Rason nga buot mahisgutan sa kapulisan uban ang militar kung unsaon nga makakuha ug igong eboidensya batok s amga personaheng anaa sa rehiyon nga apil sa arrest order nga gipagawas sa National Defense.*
*Kahibaluan nga human gibasura ang kaso, gipaklaro ni Atty. Cruz nga mamahimo gihapon nga makapasang-at ug kaso batok kang Bayabao higayon nga aduna nay igong ebidensya nga magkonekta kaniya sa teroristang grupo partikular na sa mga Maute.*
