General Santos City— Gihingusgan ni Police Chief Inspector Aldrin Gonzales, ang tgipamaba Sa Police Regional Office 12 nga kaya kaayong proteksyunan sa kapulisan ang siguridad, hilabi na sa hisgutanang terorismo.
Sumala niya nga naka-red alert man ang kapulisan sa rehiyon ug hangtud sa karon wala pa gitanggal ang deklarasyon sa martial law.
Pamahayag ni PCI Gonzales nga hugot gyud ang ginapatumang checkpoint palibot sa rehiyon gumikan kung nagapasagad ang kapulisan, dili madakpan ang sumala pa usa ka van nga puno sa mga tag-as nga kalibre sa armas ug mga eksplosibo nga padulong unta sa dakbayan sa GenSan.
Apan iyahang gipaklaro nga ilaha pa kining gina-validate gumikan wala pa silay unsa mang konretong impormasyon nga giuptan bahin niini.
Dugang pa niya nga kaabag sa kapulisan ang militar ug uban pang mga force multipliers sa pagbantay sa siguridad rason nga kampante siya nga kaya gyud nila nga panalipdan ang katawhan sa unsa mang bahad sa siguridad.
