General Santos City–Hugot nga gimando sa labaw sa PNP og sa Regional Director nga bawal sa kapolisan ang magpaboto sa ilang armas sa taliabot nga selebrasyon sa pasko og bag ong tuig.
Kini ang nahimong pamahayag ni P/Supt.Aldrin Gonzales ang tigpamaba sa PRO 12.
Sumala pa ni Gonzales nga dili assurance ang pagbutang og tabon sa boka sa armas aron lamang dili makapabuto og armas ang usa ka pulis gumikan kay kung naa siyay private arms pwedeng kini niyang gamiton sa pagpaboto.
Awhag ni Gonzales sa publiko nga kung duna silay nahibal-an nga pulis nga nagpaboto og armas ilaha kining videohan og i-upload o dili ba kaha ipaabot nga sekreto sa ilahang stasyon aron maimbestigahan og mahatagan og aksyon ang maong sumbong.
Gipaklaro usab sa maong opisyal nga kung mapamatud-an nga dunay mga polis nga nagpaboto sa ilahang armas mag-atubang kini og kasong administratibo.
