PRO-12 nagpatuman ug random drug test sa ilang kapulisan

General Santos City–Gipailawom sa random drug test ang kapulisan ilawom sa Police Regional Office 12, kini ang gikumperma ni Police Lt. Col. Lino Capillan, Tigpamaba sa Police Regional Office-12 bag-uhay lamang.

Ang surpresang drug test kabahin na sa gipatumang internal Cleansing sa PRO-12 sa ilang han-ay.

Pinaagi niini masayran kung adunay mga police sa Pro-12 nga nalambigit sa paggamitan ug iligal nga droga.


Gipaklaro usab ni Police Lt. Col. Capillan nga apil sa mga gipailawom sa drug test ang mga opisyal sa kapulisan, non commissioned officer, Commissioned officer ingon man ang mga non uniformed personnel.

Dugang pa ni Capillan nga pinaagi sa random drug test mapakita sa pamunuan sa PRO-12 nga sensiro sila sa ilang kampanya sa paghinlo sa han-ay sa kapulisan batok iligal nga droga.

Facebook Comments