Gi-angkon ni Police Lieutenant Colonel Lino Capillan ang tigpamaba sa Police Regional Office 12 nga bisan pa man sa ginapahigayong hugtanong check points ug pag patrolya sa kapulisan aduna gyud gihapoy mahitabo nga pagpamusil rehiyon.
Sumala pa niini nga ginahimo man sa kapulisan ang tanan aron nga mapugngan ang maong mga panghitabo apan ang pulis ra usab ang ginabantayan sa mga dautang elemento.
Apan gipasalig usab niini nga sila sa PNP ang wala nag-undang sa paggukod sa mga suspect aron nga maundang na ang maong mga binuhatan.
Dugang pa ni P/LtC Capillan nga basi sa ilahang ulahi nga command conference nagpakanaog ug kamanduan si Police Brigadier General Alfred Corpus ang Regional Director sa Police Regional Office 12 nga tutukan kini sa mga City ug Provincial Directors.
Sumala pa niini nga gikinahanglan matud pa nga gawas sa ilahang operasyon batok sa iligal ga droga kinahanglang tutukan sab sa mga City ug Provincial Directors ang nagkahitabo nga patay sa ilahang area of responsibility.
Gibutyag usab ni Capillan nga sa karon wala pa usay namonitor nga mga grupo sa gun for hire sa kinatibuk-ang rehiyon nga maoy reponsable sa mga nagkahitabo nga mga pagpamusil patay.
Gipasalig usab sa opisyal nga ugaling makumperma nga duna gayuy grupo sa gun for hire nga naglihokan sa SOCKSARGEN gukdon kini sa kapulisan aron nga masilotan sa balaod.(Dave Silagan)
