Nakuha sa Police Regional Office 13 ang “top spot” sa Crime Solution Efficiency alang sa ika-upat nga quarter sa tuig 2018 sulod sa mokabat 17 ka mga police regional office sa tibook Pilipinas. Sigun ni PSSupt. James Goforth, chief of the Regional Investigation and Detective Management Division, nga nakuha sa PRO 13 ang rating nga 86.19% ug gisundan sa National Capital Region Police Office nga adunay 86.07% ug ikatulo ang Police Regional Office 4A nga adunay 79.32% nga rating.
Sa milabay nga tulo ka buwan sa tuig 2018 miabot sa 2,259 ang natalang crime volume sa rehiyon nga gilangkuban sa 406 ka index crimes ug 1,853 sa non-index crimes. Sa 2,259 nga crime volume miabot sa 1,947 ka mga crime incidents ang natagaan ug kasulbaran sa mga police units sa rehiyon.
Tungod niini gipasalamatan ni PNP Caraga Reg’l Director PCSupt. Gilberto DC Cruz ang komunidad kinsa adunay dakung kontribusyon sa pagsulbad sa mga krimen.
Sent from my Samsung Galaxy smartphone.
