PRO 18: Gumban out, Gonzales in

102

NEGROS OCCIDENTAL – Pagapangunahan sini nga adlaw ni PNP Deputy Director General Ramon Apolinario ang turnover ceremonies para sa incoming Police Regional Office PRO 18 director C/Supt. Edmund Gonzales diri sa Bacolod City.

Pagabuslan ni Gonzales ang outgoing naman nga regional director nga si C/Supt. Renato Gumban nga natalana na nga maga retiro sa serbisyo sa iya kaadlawan sa Mayo 21.

Sa iya nga pre-retirement message, ginpahayag ni Gumban sa mga pulis nga dapat mangin sensiro ang mga ini sa ila serbisyo kag mangin masinulundon sa mandu sang ila mga superiors.

Angut sini, nagalaum si Gonzales nga mapadayon sang iya administrasyon ang intensified nga kampanya batuk sa illegal drugs kag illegal gambling sa kabug-usan nga bahin sang Negros Island Region.

Facebook Comments