May yara na sang computattion para sa salary increase sang kapulisan ang Police Regional Office 6.
Ginpahayag ni Supt. Gilbert Gorero, spokesman sang Police Regional Office 6 nga base sa ila gina-uyatan nga computation sang salary increase, nagapakita nga ang naga-ranggo sang Police officer 1 ang may 100% nga saka sa ila suweldo halin sa P14, 834 nga base pay mangin P29,668 na.
Samtang ang mga naga-ranggo sang PO2 ang may 89.7% nga saka gikan sa base pay nga P16,934 mangin P30,261 na; ang PO3 may 72.16% nga saka halin sa P18,665 nga base pay mangin P32,114 na.
Ang mga SPO1 nga may base pay nga P21,771 ang may 53.47% nga saka ukon mangin P33,411 ang suweldo; ang mga SPO2 may yara sa 44.94% nga saka gikan sa P23,513 mangin P34,079 na ; ang mga SPO3 nga may base pay nga P25,394 ang may 36.89% nga saka kag mangin P34,761 na kag ang mga SPO4 may 29.28% nga saka halin sa P27,425 nga base pay ang mangin P35,456 na ang suweldo.
Bangud sini, ginpahayag ni Gorero nga wala na sang rason ang mga pulis nga nagligoy, magpawala kag magtinunto sa serbisyo.
