Nag-agi sa maid-id nga screening sa Campo Crame si Police Col. Roland Vilela agud mangin Provincial Director sang Iloilo Provincial Police Office.
Ini ang ginpahayag ni PRO-6 Director Brigadier General Rene Pamuspusan angut sa kontrobersiya nga gina-atubang ni Vilela bilang tal-os nga IPPO Director.
Ginhimo ni Pamusmusan ang pahayag angut sa ginapahayag plano sang mga babaye nga Police Officers nga mapa-saylo sa iban nga assignment kon si Vilela ang magapungko bilang IPPO Director bangud sa record sini sa nakaligad nga sex scandal kag rape sa isa ka 17 anyos nga sex worker.
Ginhatagan pagtamod ni Pamuspusan nga wala man mag-prosper ang kaso batuk kay Vilela kag posible nahinulsulan na sini ang nahimo sadto nga kasaypanan.
Gindugang pa sini nga sigurado indi makalusot si Vilela nga mangin Provincial Director kon pending pa ang kaso sini.
