PRO-6 Naghiwat sang Seminar agud mapasangkad ang kapabilidad sang mga pulis sa pagresponder sa kaso sang pagpangbomba

21

Ginapabaskog karon sang Police Regional Office 6 ang kapabilidad sang kapulisan sa Rehiyon 6 angut sa pagresponde sa mga pagpangbomba ukon anuman nga pagpamahug sang terorismo.

Ginhiwat subong nga adlaw sang Police Regional Office 6 ang Closing Ceremony of Familiarization of EOD Tools and Equipment Seminar para sa 10 tanan nga miembro sang Explosive Ordnance Division sa bug-os nga Western Visayas nga nagpaidalom sa Seminar.

Sa ginhiwat nga 15 ka adlaw nga seminar sang Explosives Ordnance Team halin Kampo Krame, natudluan ang mga katapo sang EOD diri sa Rehiyon nga gamiton ang mga bomb disposal equipment kaangay sang bomb suit, x-ray, kag disruptor device.

Suno kay PNP Regional Director Cesar Hawthorne Binag, pinaagi sa seminar mabatyagan sang publiko nga nakahanda ang kapulisan sa anuman nga pamahug ilabi na ang mga bomb threats sa Rehiyon.

Nagapasalamat naman si Binag kay PNP Chief Ronald Bato Dela Rosa sa pagdeploy sang EOD Team halin sa Kampo Krame diri sa Western Visayas dala ang kumpleto nga kagamitan sa bomb disposal.

Suno kay P/Chief Supt. Binag, dako ini nga bulig sa capabilidad sang mga EOD diri sa Rehiyon ilabi pa nga kulang sa kagamitan ang mga EOD personnel.

Pagkatapos sang seminar, magapaidalom sa dugang nga paghanas ang mga katapo sang EOD may kaangtanan sa bomb disposal.

Facebook Comments