Ginpangunahan ni PCSupt. Cesar Hawthorne Binag, Director sang Police Regional Office 6 ang ‘1st RD PRO 6 Swim for a Cause’ halin sa Iloilo padulong sa Guimaras .
Kaupod ang 40 ka mga pulis halin sa nagkalain-lain nga provincial police office kag units sang Police Regional Office 6, naglangoy si PCSupt. Binag sang masobra 2 ka oras halin sa Fort San Pedro padulong sa Jordan Wharf nga wala sang life jacket kag floating device.
Tinutuyo sang 53 anyos nga Regional Director nga i-promote ang turismo sa Guimaras pinaagi sa nasambit nga aktibidad lakip na ang paghangkat sa iya kaugalingon kag sa iban pa nga mga swimmers nga languyon ang Guimaras-Iloilo Strait kag ang pagpakita sang awareness sa pagpreserbar sang matinlo kag luwas nga waterways sa rehiyon.
Nahibaluan nga ang natipon nga kwarta ang magakadto sa mga wounded kag killed in action nga mga kapulisan.
