Gimanduan ni Police Regional Office -7 Director , Chief Supt. Debold Sinas ang iyang mga sakop nga ipatuman ang full alert status sa ilang tagsa-tagsa ka mga hurisdiksiyon subay sa pag-igo ni bagyong Samuel sa Sugbu karong kadlawon .
Matud ni Sinas libuan ka mga polis ang giandam nga maglangkob sa search and rescue team nga ipada sa mga lugar nga magkinahanglan sa ilang tabang, subay sa epekto sa bagyo .
Ang tanang mga polis nga nakaduty karong adlawa nagsul-ob sa ilang unipormi alang sa search and rescue operation ug andam silang morespondi sa mga emerhensiya subay sa pagbantay sa epekto sa bagyong si Samuel .
Dugang ni Sinas adunay naka-istambay nga kapin sa 1,600 ka mga polis sa tibook rehiyon gawas sa kapin sa usa ka gatus ka mga polis gikan sa Regional Mobile Force Batallion nga anaa nang daan sa PRO-7 nga maoy gamiton isip Quick Response Team.
