Naghuwat ang Police Regional Office -7 sa giingong dugang listahan sa Philippine Drug Enforcement Agency (PDEA) sa mga personalidad nga giingong nalambigit sa operasyon sa ilegal nga drugas .
Matud sa direktor sa PRO-7 , Chief Supt. Debold Sinas , nga kung adunay mga personalidad nga maapil sa listahan gikan sa rehiyon siyete andam silang mohimo ug validation alang niini.
Una nang gipahibawo ni PDEA Director Aaron Aquino nga naa sa bag-ong narcolist ang 67 ka mga mayor , unom ka kongresista , pipila ka gobernador ug bise mayor gikan sa lain-laing mga dapit sa nasud .
Sa unang listahan nga gipagawas sa PDEA sa wa pa ang barangay election sa niaging buwan , tulo ka personalidad ang apil sa listahan gikan sa Sugbu.
Facebook Comments
